Deimingo passado an Dues Eigreijas, hoube um ancuontro ourganizado pur l nuobo cura ,onde ajuntou todas las sues paróquias nal recinto de l'eigreija de Srª dal Monte. Fui ua fiesta cume num se bia an muitos anhos nal nuosso lhugar: el hoube chicha i sardinas assadas pra todos, el hoube belhós, uas buonas gaitadas, buona pinga i muito baile.
Quando se ampeçou a scapar l sol fui cume diç l'outro: "brasa, brasa cada um pra sue casa". Cum la barriga chena, las piernas desinferrujadas i ua risica nal canto de la boca la giente fui-se cum buntade de mais.
Restamos agradecer l cura por mos dar la ouportunidade de mostrar que an Dues Eigreijas tamien hai condiçones pra fazer destas fiestas.
4 comentários:
Bah ! Mas los curas nun son aqueilhes que fazen ua cousa qu'hai pessonas que chaman missa ??? :-)))
Desta beç nun fui cum nela cuonta de los dous cumpadres :
-un que se bira pa l'outro... Quei disso l cura ?
-L'outro que l'arresponde :
nun antendie nada mas falou mui bien !
Pus daquessa beç acho que todos antendieren héhé
Depende dal cura... hai uns que só rezam missas, outros que fazem fiestas i rezam missas i assi por diante...
Fui ua fiesta bien animada.
ah, stou a ber que an Dues Eigrijas inda hai animaçon de la buona i de la antiga! Nien que seia ourganizada por algien de afuora!
Cumbido-bos agora you para outra: La cena de ls Bigotes! Ponei un bigote guapo i ajudai-mos a dibulgar l eibento - la descriçon i anscriçones stan an: http://nuobas.blogspot.com/2008/12/la-cena-de-ls-bigotes-st-marcada.html
You sei que la maioria de Dues Eigreijas son rapazas, i bien guapas, mas dezei als buossos rapazes tamien! Ancuntramos-mos apuis ne l Intalaia!
Enviar um comentário