segunda-feira, abril 28

L IC5

Hoije benimos-bos a cuntar ua lhona antiga mas que inda num se passou....
La lhona esta ie sobre ua strada que inda num stá feita mas deçque me tengo por giente que me lhiembro de se falar de ua strada que iba a passar para ls lhados de l'eigreija de Srª dal Monte...Mas an purmeiro lhugar deixai que la apresente:
.
.
Eitenerário Cumplementar nº5 que bai a fazer la lhigaçom antre la Póboa de Varzim i la frunteira cun Spanha, mas l que mos interessa ie l lhanço que se zambulbe antre l traçado de l IP2 (nuolo de Nozielhos) i Dues Eigreijas.
Pretendan cun este lhanço de l IC5 assegurar ua lhigaçon rodobiária de qualidade antre Vila Flor, Alfândega de la Fé, Mogadouro i Miranda de l Douro stando projectada para ua belocidade base de circulaçon de 100km/h.
L processo de la sub-concessão yá arrancou, i será adjudicado an Setembre deste anho.
L einício de la obra será an Nobembre de 2009 e tien fim prebisto para 2012.
.
.
Para este projecto oube dues soluçones alternatibas, la Soluçon 1 i la 2 i ie eiqui que apareciu l mais angraçado nien ua de las soluçones correspondia l que la giente dezie...La strada bai a passar siempre pul lhado squerdo de l camino de fierro (sentido Sendim-Miranda) passando pur ls Baixos i acaba naquel cacho de strada que tien dues bias (acerca dal alto de Cércio) .
Para quien num ie de Dues Eigreijas puode num antender l que you scribi eiqui mas ficai a saber que mais um pouco i la giente só se apercebia quando benissem la maquinas a romper camino anquanto regaban las cebolhas...
.
Dizei-me alha se isto num dá que pensar.......

segunda-feira, abril 21

Ls pauliteiros de Dues Eigreijas ban a la TV

Más ua beç ls nuossos pauliteiros ban a representar la nuossa tierra a la capital desta beç a la televison...Por isso, "fãs" de todo l mundo, se yá teneis ganas dals ber ie só ber l programa dal Malato de la RTP dia 23 de Maio.... L' único mal ie que nós, ls que quedamos an casa, num ls bamos a ber a beilar só ls que estan nal stúdio.... Mas quedai atentos que eilhes staran nal público cum cartazes i a bosiar bien alto...

Portai-bos bien i que bos cuorra pul melhor!

Ie cume dize l'outro: "Adius Pertual que me bou pa Lisboa"

Para ls que gustaran dals ber a beilar nal bideo i gustaban dals ber a beilar l bibo l cuntacto ie: 933656311

quarta-feira, abril 16

Nuobas tecnologias an Dues Eigreijas


Cume pudeis ber nal retrato (fig.2), yá se pude dezir que Dues eigreijas sta “online”.
Domingos l presidente de la junta alhá se fartou de mos oubir i poniu-mos ua antena nal telhado de la Junta. A modos que, mocidade: nal raio de mas cousa menos cousa de 70 metros i se tubirdes um portátil cum wireless, yá podeis benir a besitar l Lhonas siempre que bos der na gana. Yá num hai çculpas …..
Agora ie esperar que adonde beio aqueilha antena bengan más dous ou três pra naide se queixar que num tien anternete an casa…

quinta-feira, abril 10

Ls antruidos bincedores

Estes fuoran ls bincedores dal antruido deste anho:









Parabienes a todos i d'hoije num anho!