Curjidades!

Sabiades que antigamente an Dues Eigreijas la mocidade, dals 14 pa riba (nun era qualquer um que podie ir), iban a cortar i percurar la lheinha de San Juan nal die de cunsoada (24 de Dezembre) anquanto que ls mais pequeinhos se quedaban nal lhugar, culs mardomos dal Nino, a arrecolher de puorta an puorta ls cepos, que la giente ya deixaba a l’entrada de casa, pra fazer la fogueira dal Nino. Cepos esses, que por serem ls mais mal-jeitosos, na maiorie de las casas ya era puosto de parte nal die anque metian la lheinha nals palheiros. Eram antão carregados nua carroça que era puxada pur ls garoticos. Se la giente num deixaba ls cepos a la muoda arriscabam-se a ficar sin dous ou três, assi cume quien nun quiere la cousa.Cume era muito palo cada cachico teniam que ir a çcarregalos l Toural.

Ie cume dizie l’outro, mudan-se ls tiempos mudan-se las buntades.

L pai Natal chegou!

L pai natal ya chegou a Dues Eigreijas i cume alha l Natal ie difrente dals outros sitios, num biêno por ls chupones mas si pula torre de l'eigreija... parece-me que ie pra fazer cuncurrência direta l Nino Jasus... a ber quien trai mais priendas...

L' "Auto da Paixão"

Dues eigreijas, Junho de 1948, 25000 personas, bindas sabe Dius d'onde para ber l'"Auto da paixão" representado por la giente dal lhugar. Diç que habie um ciento de carros stacionados, cousa nunca bista nal praino naqueilha altura...

Um retrato bien guapo

Ba, mais bale tarde que nunca!
Esta foto foi tirada no dia da cidade, isto se a memória não me falha, mas se estiver enganada o que vale é o retrato, não acham????

Mais Burros i gueiteiros!

Els stubiran alha:

(ls gueiteiros...)

Cunhecestes-los?

http://lburroilgueiteiro2007.blogspot.com/2007_10_01_archive.html

Tiu Henrique!

Siempre qu'aparece un dals nossos tenemos que bos lhembrar. Eiqui tenemos a Tiu Henrique a repenicar la caixa i mirai que cumpenetrado staba... Aber se cunheceis al sitio que fai de fundo... Beio miesmo a calhar, ya pudemos cuntar ls bidricos de las jinelas qu'inda quedan por scachar...

http://lburroilgueiteiro2007.blogspot.com/2007_10_01_archive.html

“Planta” de la casa dal cura.

▬ Paredes amuralhadas an forma de barco (an alguns sítios yá meio sbarrulhadas);

A – Nória;

B – Scundideiro por de baixo de tierra;

C – Poço;

D – Casa de l cura cun muitas salas, bien cumo ua çpensa que serbiu de cadena durante las filmages de l filme “ Guerra do Mirandum”.


Fig. – La mesma casa de l cura, que fiç de quartel general als Castelhanos i a las sues tropas que antrórun por Trás ls Montes na 1762.

Antes tarde que nunca!

Nun sei se ya bos diestes de cuonta mas de beç an quando damos ls parabenes ls nuossos lhoneiros que fazem ainhos. Puis cume hoube uns que se quedoran pul camino i num tubiran dreito a la fiesta ua beç que tubiram la suorte de nacer nal mês de las fiestas dal berano i cume mais bal tarde que nunca eiqui ls teneis:

An purmeiro Zé Carlos mais cunhecido por Zé Colmeia (ou Zé Bicas ya num sei) pra mi hade ser siempre Zé Carlicos:

Eiqui tenemos a Malagueta mais cunhecido por Tiago que deixou de ser teenager i passou la sue fiesta atarefado, cume pudeis ber:

Pra acabar, i desta beç sin anganhos, Andorinha(a la buossa squierda) que ya pude tirar la carta de cunduzir i que la nuite de la fiesta num lhargou la sue rosa ("A rosa é minha!" dizia ele):

Parabenes a todos i d'hoije an menos d'um ainho!

Las nuobas

Acaboran-se las bindimas, l cheiro a mosto que enche las rues ya desapareciu dando lhugar l cheiro a strume i a tierra lhabrada pa la semanteira; las castanhas ya pingam i, miesmo cun un berano de San Martino alhongado, ls chupones ya botan fumo, preparados pra mais uns mieses de trabalho i alimentados por uns buonos atrelhados de lheinha que, cume las furmigas, ls ban metendo onde calha. Las moscas, que ya le cheira a Inbierno, andan zapacientadas i azucrinan quien quier fazer pur a bida ou quien la bei passar l sol,...

Ie assi las nuobas nun son muitas i ainda bien, purque quando las hai ie, ou purque tie coisa fui pa l'hospital, ou purque ti coiso se caiu anfim l milhor ie que nun haiba nuobas. Chega-se a la concluson que las buonas nuobas apareçan mui de quando an quando i se num m'anganho l'última fui an Angosto quando naciu la garotica de Anabela. I purquei? Num hai giente que faga garotos?Ou só nun hai giente ?Ou la giente que hai , stan tan aquemodadas , que acham que aquilho ie assi i assi será?

La berdade ie que las nuobas que se correm son las malas nuobas, las buonas nistante se squecem...

Restamos pansar, anquanto roemos uns belhozicos, nas Fiestas dal Natal i eimaginar ls grupos que ban animar las nuites, ua beç que ls murdomos ainda nun se çcobriram...

La lhengua na TV

Mais ua beç se falou de la lhengua na TV... Palabras para quei! Hai que tener ourgulho!




http://videos.sapo.pt/vh8p9tzDthSMk3BULRQ6