La nuossa tierra quier...!

Ya saliron ls resultados i.... l concurso num ganhemos.... mas ganhemos outras cousas... oubrigado a todos ls que tamien sonharon!

La nuossa tierra quier i precisa de muita cousa, i cume hai que ir aprobeitando las ouportunidades que mos oufereçan, eiqui stamos nós a falar deilhas ua beç que, para las aprobeitar, hai que tener bontade i dar un cachico de cada um de nós.

L'outro die, la caixa dal correio de la Associaçon (Associação cultural Pauliteiros de Miranda), recebiu ua carta de la SIC a proponer ua candidatura cum um projecto d'algo que fazisse falta l lhugar, isto para fazer parte d'um programa que se chama "A nossa Terra Quer" :

"A iniciativa 'A Nossa Terra Quer' destina-se a contribuir para a concretização de projectos que correspondam a aspirações e necessidades das populações locais.Os projectos poderão ser de âmbito social, cultural ou desportivo, apresentados por colectividades ou grupos de cidadãos."

Cume ls eilementos de la associaçon son mi trabalhadores, lhembroran-se i mandoran un projecto "fidalgamente" bien scrito que dizie:

"Pretende-se com este projecto, criar um novo parque infantil, uma vez que o actual que aldeia possui está degradado, e criar condições para a prática de novos desportos, dado que o actual espaço apenas permite a prática de futebol.
Temos como objectivos a dinamização da população em geral para a prática de desporto e permitir o desenvolvimento de competências e interacções entre as crianças."

.

Ls de la SIC gustoran tanto dal que biran que, an todo l çtrito de Bragança, l projeto de Dues Eigreijas, fui um dals três projetos scolhidos. L que significa que, apartir d'oije (die 20) até die 30, um cachico dal praino bai a aparcer an la televison.

.

.

Cume só puode ganhar um, hai que botar. Para botar ie só chamar pal número 760 206 002 i gastar uns crouzicas de nada que ya cunta cume um boto, quantos mais botos tubirmos mas pierto staremos de ser ls bencedores...Por isso ya sabeis nin que seia um boto ya stais a ajudar a que seia l projeto mirandês l projeto bencedor...

Retratos dal die de las filmages:

Para saberdes mais ide bendo durante todo l die an la SIC ou ide eiqui http://sic.aeiou.pt/sicporportugal/Scripts/PlayVideo.aspx?videoId=%7B39EC3276-F86D-4393-942B-8E65673A9E60%7D&progSig=cm

Que Dius bos l pague...

Fiestas dal Natal 2008... Fui assi....:

Para ls que num stubiram est'anho an las fiestas deixamos eiqui uns retratos i uns mimicos pra que num digades que num pansamos an bós.

Desta beç bou ampeçar pur l'último i dar ls parabenes a las mordomias dal Nino, dals casados i dals solteiros que se portoran mi bien i faziran uas fiestas mi balientes.

Mas quien tamien merece un agabon dals grandes ie la mocidade de Dues Eigreijas que inda bai dando cuntinuaçon a tradiçones que dan tanto trabalho cume ie ir a por la lheinha l monte i que ban scribendo las trobas que tanto dan que falar i rir. Isto num se puode perder!

Cume sabeis, an tiempos de Crise, hai que dar lhargas a la eimaginaçon i fazer las fiestas cume se puode. Fui l caso de la fiesta de la passaige d'anho que, cum muito trabalho i buntade, se fizo diferente mas mi animada. Só fui pena que muitos num acreditoran que isso podia acontecer.. pa l'anho speramos por todos... i um oubrigado ls que participoron i ajudoran a fazer la fiesta...

Alguns retratos:

Fiestas dal natal (por Tânia) :

Um cachico de las trobas (por Ana Rita):

Spero que tengades gustado dal que bistes porque quien l biu biu cum uolhos de quien gostou!

Se tubirdes mais retratos de las fiestas mandai-os que ls ponemos eiqui pra todos bermos....i a ber se ides dizendo algo!

dues.eigreijas@gmail.com

Fiesta de San Sebastian

Para quien acabou la fiesta de la passaige d'anho a dezir "Agora beilar só nal Antruido!" traigo bounas nuobas: este anho bamos a tener baile de S. Sebastian, por isso ya podeis scriber an las buossas "agendas" i beni a beilar que ie pra num anferrujar.

Passaige d'anho 2008-2009

Fiestas dal Natal 2008

20 de Dezembre

Die dals rapazes irem a por la lheinha

.

.

24 de Dezembre:

22h30 - Missa dal Galho

23h30 - Ajuntamiento l redor de la fogueira dal Nino pra escuitar las Trobas

Animaçon cum las gueiteiras dal lhugar "TRAILARAILAS"

.

.

25 Dezembre:

22h - Baile dals casados cum l cunjunto "KM"

.

.

.

26 de Dezembre:

6h- Alborada

8h- Ampeço dal peditório

14h - Missa dals casados (Stº Estevan) seguida de la pecisson

15h - Chubida de la carrada

15h30 - Cumbíbio nal lhargo dal Toural cum bino i antremoços pra quien quejir

22h - Baile animado por l "cunxunto" de Sendin "TRIÂNGULO"

Dj Cumbidado anté l nacé dal sol

.

.

27 de Dezembre:

6h - Alborada

8h - Ampeço dal peditório

14h - Missa dals solteiros (S. Juan)seguida de la pecisson

15h - Cumbíbio nal lhargo dal Toural cum bino i antremoços pra quien quejir i las "PAULITEIRAS DE VALCERTO" pra animar

17h - L reacender de la fogueira

22h - Baile animado por l "FUNÇÃO PÚBLICA"

.

.

Beni a ber i a beilar pra num perguntar!

Ancuontro an Dues Eigreijas

Deimingo passado an Dues Eigreijas, hoube um ancuontro ourganizado pur l nuobo cura ,onde ajuntou todas las sues paróquias nal recinto de l'eigreija de Srª dal Monte. Fui ua fiesta cume num se bia an muitos anhos nal nuosso lhugar: el hoube chicha i sardinas assadas pra todos, el hoube belhós, uas buonas gaitadas, buona pinga i muito baile.

Quando se ampeçou a scapar l sol fui cume diç l'outro: "brasa, brasa cada um pra sue casa". Cum la barriga chena, las piernas desinferrujadas i ua risica nal canto de la boca la giente fui-se cum buntade de mais.

Restamos agradecer l cura por mos dar la ouportunidade de mostrar que an Dues Eigreijas tamien hai condiçones pra fazer destas fiestas.

Hino de Dues Eigreijas

Ia uns tempos que este tema ie d'als mius favoritos, e siempre que oubia sabie que m'alhembraba algo mas num sabie al que era. Até que hoije oubi-lo mais ua vez e lougo bi que me era familiar, fai lhembrar dues eigreijas... Este bien poderia ser al nuosso hino....Num adianta....

Tçtemunhos dals de fuora

Na staçon de camboio de Dues Eigreijas

Pula madrugada, apuis de miu pai ounhir la junta i la poner al carro cargado de sacos de trigo, fui-se a la mie cama i spertou-me.
- Bamos-mos, que hai muito camino a andar.
Sgodei ls uolhos para çpegar daqueilha sonheira morrinhenta tan saborosa para mi, que siempre me gustou drumir las madrugadas. La nuite staba frie por bias dua araige arrepassadica de baixo. Yá na rue, l cielo eili por riba de la mie cabeça manteniesse spargido de streilhas.
- Bamos al celheiro, tornou miu pai, s’acauso nun habisse oubido. Bás cumigo nun seia causo que me fagas falta para tocar las bacas.
Apuis de la sonheira spantada anté cuido que fui buono, yá habie tiempo que you nun miraba assi pa l Camino de Santiago. Anriba de ls sacos de granos quije cuntar las streilhas mas nun fui capaç, zisti i a meicamino, a la Cruç de Martinç Fernandeç, yá solo querie ancuntrar un cachico de cielo adonde cabisse mais ua.
Fui assi que ampeçou la mie purmeira ida al celheiro de la staçon de camboio de Dues Eigreijas. Adonde me dei cunta que ende, nun cabanhal, recolhien pa l Stado todo l grano que sobraba de la colheita.
Mas las nuobas nun íban a quedar porqui, mais balie que you habisse chapinado la cara, assi nun sbugalharie ls uolhos de tanto spanto. L sol, esse solo se lhebantou yá nós stábamos ancarreirados a las portaladas de l celheiro.
Eili bien arrimado als carreteiros andaba ua cousa negra, sudaba mais que un macho i bufaba cumo un bui quando s’anraiba. De barriga de cuba i ruodras de l tamanho de las de l nuosso carro puxadas por uns cambiços i atadas cun uns trasgueiros. Palantre i para trás de çofineira de chicharra, cumo quien nun se habie recolhido essa nuite, l chapéu de l chupon nun paraba queto anquanto de la chamineia salie ua nubre de fumo ambuolta de bafo, tapando las purmeiras raiadas ouferecidas nessa manhana pul criador.
Anton quedei a saber que aqueilho era la máquina de l camboio. Sien bacas nien béstias, nien burros pa la puxar. Alhá andaba eilha nun bou-me, bengo, toda ancarbonada cumo malhadores apuis dun die de frauga.
Ambaçbacado i tolhido assi quedei anté que aquel mostro negro asparcido a un scarabeilho gigante, agarrado a uas bagonetas, botou dous silbos i sues ruodras galopórun subre las lhinhas de fierro a caras al sul.
Se esta cousa era la máquina de l camboio, era bien defrente daqueilha que you coincie de ls lhibros de la scuola, i daqueilha que you zenhei i quelorei ne l cadernico de ls eisercícios. Essa acumparada a esta que staba çúzia, era guapa, de muitas quelores i cun dues bandeiricas na cara.
Nun quedei a gustar de camboios.
De buolta a casa, acunchegado ne ls sacos bazius i yá miu pai me fazie cumpanhie ne l tabrado, you dezie para mi! Inda bien que na mie tierra nun hai camboios. Íban a spantar ls perros, las pitas, ls parros, i l mais cierto nun iba a drumir las manhanas assossegado.
Un cachico apuis acunhei uolho.
Tube un suonho malo, que la máquina de l camboio se habie perdido alhá para baixo i nunca mais habie benido pa la staçon. Mas fui mentira que ls anhos apuis, alhá andaba eilha de l mesmo modo sien tirar nin poner.
I sien se lhabar.

Faustino Antão

http://www.jornalnordeste.com/noticia.asp?idEdicao=207&id=8810&idSeccao=1961&Action=noticia

L die de las bruxas

Cume sabeis na sesta que bien, die 31 de Outubre las bruxas ban a salir a la rue an Dues Eigreijas i benimos-bos a cumbidar pra benirdes a ber se apanhais ua ou dues.
Nal café de la associaçon, apartir de las dieç de la nuite, bai-se a fazer ua Queimada que ie ua buida bien calentica i que diç que mos proteije de las bruxeries i dals malos spiritus. Para acumpanhar la buida: uns belhozicos i uas chiznadelas pra quedarmos cula "maquilhage" bien feita . Música num bai a quedar an falta i se algum se animar uas cuntas de bruxas para mos incurajar.

You num acredito an bruxas mas que las hai hai!

Aparecei todos quantos quejirdes i trazei l buossos strumientos , quantos más melhor!

Pauliteiros no seu melhor...

Fotos retiradas http://www.presidencia.pt/?idc=10&idi=19837

Muito haveria a dizer sobre estas fotos... Mas palavras para quê? As imagens falam por si. Dues Eigreijas num hai quien l'afronte.