Fiestas de l Natal 2010

Dia 24

.

22h30 - Missa de l Galho

23h30 - Cumbibio l redor de la fogueira de l Nino

- Trobas

- Música culs gueiteiros de l lhugar

.

Dia 25

.

17h00 - Ampeço de la fiesta de ls Casados cul l reacidemiento de la Fogueira

21h30 - Baile cul grupo de música VH3

.

Dia 26

.

06h - Alborada

08h - Peditório

14h - Missa an honra de stº Steban

15h - Chubida de la Carrada de lheinha por ls solteiros, acumpanhada puls Pauliteiros de Dues Eigreijas

- Atuaçon de ls Pauliteiros

- "Agarrai l presunto"

- Baile ne l Toural cum bino, antremoços i música

17h - Ampeço de la fiesta de ls Solteiros cul reacendimiento de la Fogueira

22h - Baile cul grupo de música Triângulo

- Dj cumbidado

.

Dia 27

.

06h - Alborada

08h -Peditório

14h - Missa an honra de S. Juan

15h - Cumbíbio ne l lhargo de l Toural cum música, bino i antremoços

17h - Reacendimiento de la Fogueira

22h - Baile cul grupo de música HIFI

Mineiros de l Bolfrámio

Subre un retrato de ls anhos 30

Éran, bendo bien, lhabradores

esses trinta i nuobe rostros cinzelados pul tiempo

dua risa, ou un trejeito delantre la súpeta

claridade. Ne ls paredones de las peinhas amuntona-se

essa giente abiessa a la lhuç, benida de ls sanjones

de l bolfrámio, cumo se d’aperpósito

para que hoije ls podíramos mirar

anquanto muortos.

Mas este caos ye eilusório, ua scura orde

arrepassa-le la lhuç de ls uolhos.

Demais sabien eilhes que la muorte spreitaba

puls pulmones de la fame, pul degredo de las

trebas. Mas morrer por morrer antes de puolo,

que ls filhos a la falta de pan.

De antre esses trinta i nuobe rostros puostos

an scaleiras puls uossos de la cantarie, un

stá na purmeira fileira, bien al centro,

perbileijos de mulhier i de la belheç. Lhenço

negro acubrindo la cabeça i atado ne l cachaço

cumo quien nun quier l sol ne l lhuito dua filha

eilhi mesmo muorta. Anton, fuora de tiempo,

eilha agarrou la sue praça na fileira de l scuro:

las angúrrias fondas, ls boucielhos lebes de la tristeza,

las manos caídas anriba l regaço susténen

la canseira fuora de tiempo i ls anhos agres

bibidos al bafo benenoso de las guerras.

L rostro que salbo desta foia anónima

i de quien deixo eiqui este retrato

ye de tie Jouquina, mie bisabó,

que solo conheço na eiternidade deste sfergante,

mas ye cumo se siempre moráramos

ambaixo la mesma teilha.

Fernando de Castro Branco, O Nome dos Mortos.

puosto an mirandés por Fracisco Niebro