domingo, junho 1

Fiesta de Santa Bárbela 2008




Cume sabeis, l purmeiro die de chocalhada ampeçou cum ua cena na associaçon, que debo dezir que superou todas las expectatibas i hai que dar ls parabenes a André i Paula que doran de quemer a quaisque 70 pessonas... i que bien se quemeu…. Hai que repetir….Dessas 70 pessonas binte i poucas eran d’outros lhados que staban nal praino a daprender ua cousas cula malta dals burros i que faziran l fabor de mos acumpanhar i animar la fiesta…
Ya muitos anhos que num se bia tanta giente nua chocalhada só fui pena que se consoran a meio, diç que por falta “de combustível” i quedoran-se na associaçon. Ls que num se importoran nada fuoran ls de la musica que tocaban pa las paredes dal salon… Ie caso pra dezir “Dies de muito biesperas de nada!”
.
Nal Deimingo, ya culs santicos prontos pral passeio que pra uns ie só de dous an dous anhos, la missa mi bien, l coro afinadico, l padre inspirado cume siempre, tius de sobeja pra lhebar ls andores , todo mi bien mi bien i ….. bota de chober , cada beç mais de fuorça i nada de parar. L padre bien sperou mas tube que adiar la peciçon pa la Quinta-feira seguinte que sien mais rodeios bos digo que tamien num hoube porque la chuba num deixou .. Diç que S. Pedro anda algo anrezinado…
.
Cume só chobeu anquanto era la missa, la chocalhada de Deimingo passou-se mi bien, que bengan más destas mas más anchutas i que santa Bárbela deia saúde l nuobos mardomos pa la fazer...

3 comentários:

AF disse...

Buonas tardes,

Anque esta seia la purmeira mensaige que deixo, yá muitá que bengo siempre equi a acumpanhar l buosso blogue i gusto de l modo cumo fazeis bibir las buossas tradiçones i de l modo cumo tratais l mais grande bien que tenemos, la nuossa lhéngua.
Essa de Santa Bárbela nun la coincie.

Un abraço,
Amadeu Ferreira

Suzana disse...

Que buono ie chegar eiqui i ber que siempre hai ua almica se bai lhembrando de mos dar ua fuorça...cume naide mos paga pra isto son estas palabras que mos ban dando buntade de cuntinuar...
Que dius bos pague tiu Amadeu i num mos deixeis de besitar...

AF disse...

Buonas nuites Suzana,

You bien bengo acá, mas l blogue esse parece que stá a drumir la séstia. Bá, botai alhá!, a aber se la cousa anima.

Amadeu